کتاب دل

ہاں ایک دل کی کتاب بھی تو ہے... جس پر سے اب تک گرد جھاڑی نہیں گئی ، ورق کھولے نہیں گئے، کبھی پڑھا ہی نہیں گیا حلانکہ زندگی کے سب سے دلچسپ،  مکالمے، موازنے، مقابلے، مضامین، حکایتیں، احساسات سے بھرپور نثر پارے،  ضد کی آنچ پہ پکنے والے کڑوے کسیلے فیصلے،  سچے قصے،دھوپ اور چھاؤں کا غیر یقینی تسلسل، خوب سیرت لوگ،  اور سب سے بڑھ کر دھڑکنوں کے ترنم سے سرشار  لازوال شاعری سبھی کچھ تو اس کے اندر موجود ہے...  روز دن کے اختتام پر چند نئے ورق اس کے اس کے اختتام میں ٹھونس دیے جاتے ہیں.اس امید پر کہ ایک دن ان صفحات کو بھی کوئی اپنی انگلیوں کا لمس بخشے گا اور ایک ایک حرف اس طرح پڑھا جائے گا کہ پڑھنے کا حق ادا کر دیا جائے گا... کہتے ہیں کہ امید پہ دنیا قائم ہے اور.... اسی دنیا میں تب تک ہم بھی قائم ہیں...عمل کے حوصلے اور امید کے ساتھ....

ملک انس اعوان