آزاد نظم

زندہ لوگوں کے مرثیے پڑھو
مردہ لوگوں کی قبر کو چاٹو
ہلا کہ رکھ دو شہر کے بام و در
کھڑکیاں آگ کی نذر کر دو
گلی میں چند جو نظر آئیں
سب  کلیاں مسل کر رکھ دو
اڑا دوں دھوپ کے سبھی جزیروں کو
توڑ دو سب آہنی فصیلوں کو
لگا دو آگ کے درشن سر بازار
جلا دو  عافیت کے  سب سبزہ زار
کیا یہ بھی کوئی طریقہ ہے؟
کیا یہ ضبط کی کوئی صورت ہے؟
درد پھیلانے سے گھٹ نہیں جاتا
سینہ رونے سے پھٹ نہیں جاتا
سوچ رکھتی ہے اثر دیر تک جاناں
انسان مرنے سے مر نہیں جاتا
سچ تو سچ ہے نہیں نہاں ہوگا
یہاں نہیں ہے تو کہاں ہوگا
تم سمجھو گےنہیں تو کون سمجھے گا
میرے ہمراز   میرے ہم زاد
تمہیں دشمنوں نے مار ڈالا تھا
تم  نے مجھکو بھی مار ڈالا  ہے!!!!