حقیقی افسانے

میں پڑھتا ہوں مگر پڑھتے ہوئے بے چین ہوتا ہوں
بڑی عجلت دکھاتا ہوں ورق پہلے پلٹتا ہوں
کہانی جب کوئی ختم سی محسوس ہوتی ہے
یوں لگتا ہے کہ جیسے تکلیف سی محسوس ہوتی ہے
یہی کردار تو زندہ ہیں  فقط صحن تصور میں
یہی تو باعث رونق ہیں بازارِ تخیل میں
انہی سے گفتگو میں زندگی کے دن گزرتے ہیں
انہیں سے بات کرنے میں بھرے موسم گزرتے ہیں
انہی قدموں کی آہٹ سے تو دل آباد رہتا ہے
تعاقب میں جو یہ آئیں تو سب ہی ساز رہتا ہے