شرمندگی

جمعے کا دن تھا اور جامعہ میں کوئی بھی لیکچر طے نہیں تھا چناچہ میں ہاسٹل میں اپنے پلنگ کے ساتھ ٹیک لگا کر اخبار پڑھ رہا تھا اتنے میں  صفائی والے صاحب آن وارد ہوئے۔یہ صاحب عیسائی ہیں اور طبعیت کے حساب سے بہت شوخ واقع ہوئے ہیں کام کرنے کے دوران ہمیشہ کوئی نہ کوئی گانا گنگناتے ہوئے پائے جاتے ہیں۔لیکن آج عجیب بات تھی کہ اتنہائی خاموشی سے فرش پر وائپر پھیرے جا رہے تھے۔میں نے اونچی آواز میں دریافت کیا کہ جناب خیریت تو ہے آج اتنی خاموشی کیوں ہے؟ انہوں نے میری جانب دیکھا اور کہا کہ "انس بھائی آج جمعہ ہے اس لئے احترام میں خاموش ہوں"۔اتنے میں ہمارے ہاسٹل کا ایک مسلمان طالب علم پاس سے گزرا جس کے موبائل فون پر ایک ہندی  گانے کی دھن چل رہی تھی۔

اور میریں نظریں زمین میں گڑ گئیں۔۔۔۔!!!

تحریر 

انس اعوان