روداد

اک جستجو مسلسل ہے
جانے کب
تھکن ٹوٹے گی
کب شوخ ہواؤں کے بادباں کُھلیں گے
زمیں، فلک اور ستارے آ ملیں گے
رنگ و نور کے چھینٹوں سے چہرے پھر دھلیں گے
خلعت مُشک سے سب پیرہن یک بار سجیں گے
ہنسیں گے...
وہاں کے سب مکیں ہی دلربا ہیں
حسیں ہیں خوبصورت ہیں جواں ہیں
مکاں ہیں موتیوں کی شال اوڑھے
مگر چھوڑے سبھی اک جانب رواں ہیں
کسی نے کہہ دیا کہ متوجہ سبھی ہوں
ختم الرسل، مولائے کل، ساقی کوثر وہاں ہیں
چلیں پھر شوق تھامے دل کو آنکھوں کو سنبھالے
سبھی ہی چاہتے تھے سب سے پہلے
وہی ہو جو مرکز حسن و جمال آنکھوں میں بسا لے
جہاں کی مستیوں کو پلکوں پہ سجا لے
بڑھ کر دست اقدس سے جام کوثر کو اٹھالے
تبھی پھر انتہائے شوق سے گھبرا کر پُتلیوں نے
دامن چشم کو بے طور چھوڑا
گھٹن اور جبس سے  تنگ اس دل کو جھنجھوڑا
ائے خدا اب کب تلک یہ خواب دیکھوں
ادھوری دید کے کیوں کب تلک یہ باب دیکھوں
رب العالمین.....
اک التجا ہے آرزو ہے یہی دعا ہے 
سنا ہے مانگنے والوں کی تو ہی مانتا ہے
جو میرے دل میں ہے تو جانتا ہے
سو تجھ سے مانگتا ہوں
وہی جو تو جانتا ہے....!
_______
ملک انس اعوان